Skedus

Ton : Air du petit berger dans Mireille

          E Breizh-Izel,
Gwir douar ar varzhed hag ar feiz,
Me zo ganet, hag e gwir vugel,
’Vit Breizh em bezo, betek mervel,
          Kalon em c’hreiz
Hag ur gwir garantez a-leizh ;
O tiwall va loened er straedoù
          Hag er menezioù,
’On eürus da gaout ur vuhez didrouz
          Evel buhez al labous ;
Eus ar menez betek an draonienn,
An avel a gas va c’hanaouenn,
          En hor yezh kaer,
E-pad ma redont war va zelenn,
Prim-meurbet, va bizied tener,
          Ha ha ! ha ha ! ha ha !

          Ouzh an tommder
E-kreiz an hañv em eus atav
An dour-red, fresk ha sklêr, eus ar stêr ;
Evit disheol, a-us ar reier,
          Ar gwez derv,
Paradoz karet an heklev ;
Bez em eus, pa zeu din c’hoant moriñ,
          Ur gwele kevni
War behini m’en em ro da gousket
          Ouzh kan al laboused ;
Ober a ran huñvreoù kaer-meurbet :
Huñvreal a ran ’on eus va loened
          Ivez ar roue,
Ha n’em eus er bed-mañ mestr ebet
Nemet va c’houstiañs ha va Doue,
          Ha ha ! ha ha ! ha ha !