Skedus

Klevet ec’h eus pe vurzhud bras
E Breizh-Izel a c’hoarvezas ?

    ****

Kaer ar plac’hig ’vel steredenn,
Evel un evn ar paotr laouen.

- Naig, Naig kaezh, lârit din,
Hag e miz gouere hon dim’i* ? [dimezi]

Neuze hon-daouig d’ar bloaz-mañ
’Rafemp pardon Santez Annañ.

- Me ’vo hualet p’am bo c’hoant. -
Evel-se komz ar plac’hed koant.

Da viz gouere, bleuñv er parkoù,
’Toull an nor ’stokas an Ankoù.

    ****

Arabat eo goude kañvoù
Daou* da zarempred ar bezioù ; [bout daou]

Ar re varv ’deus kasoni :
O hun n’eo ket mat da derriñ.

- Gwell ’ve ma lakaat en douar
E-lec’h Naig ! - ’c’harme he c’hoar.

Hag ouzh he c’hlevet ’oa truez
Hep gallout kuzh he c’harantez.

D’an abardaez, ur c’horf kastiz
Da sevel ouzh ar gwele pri,

Hag a daolas e liñsel wenn
Gant an daouig war ar c’heotenn.

Kaset daou arc’hed da Naig,
Evit he dous hag he c’hoarig.

    ****

Bremañ emaint o zri kousket,
Naig e-kreiz, ’memes bered.

Teir ivinenn zo krog eno,
Tri evnig-noz ’kan er brankoù.

Neb a dremen dindan ar gwez
’Stag da ouelañ hep gouzout de’.